Poslovne vesti - Makedonija

Помалку се градело во јули

Интересот на инвеститорите за градење во јули опаднал во споредба со претходните месеци.

Според податоците на Државниот завод за статистика, во јули биле издадени 230 одобренија за градење, што е за 11,2 отсто помалку во споредба со истиот месец лани.

Од сите издадени одобренија за градење, најголемиот дел, односно 77,8 отсто, се однесувале на висококатници. Околу 15 отсто биле за реконструкција, а мал дел или 7,4 отсто за нискоградба.

Во 80 отсто од издадените одобренија како инвеститори се јавуваат физички лица, а кај другите градби - правни лица.

Според издадените одобренија за градење, предвидената вредност на објектите изнесува околу 1.6 милијарда денари, што е за 10,4 отсто помалку во споредба со ланскиот јули.

Предвидена е изградба на 410 стана, со вкупна корисна површина од 37.900 квадратни метри.